SBS Samoan - SBS Samoan
1,008 episodes - Samoan - Latest episode: 6 days ago - ★★★★★ - 9 ratingsIndependent news and stories from SBS Audio, connecting you to life in Australia and Samoan-speaking Australians. - Talafou tuto'atasi ma faatuatuaina i le gagana Samoa i Ausetalia.
Homepage Apple Podcasts Google Podcasts Overcast Castro Pocket Casts RSS feed
Episodes
Toe a'e ma toe maua totogi o Tuila'epa ma Lealailepule.
February 07, 2024 12:24 - 5 minutes - 5.14 MBI le ripoti lenei a le sui o le SBS Samoan i Apia, Galumalemana Autagavaia Tipi, o loo aofia ai se faamatalaga tusitusia a le fofoga fetalai o le palemene i le faai'uga ua aumaia e le faamasinoga o faai'uga toe iloilo, le Court of Appeal i Samoa.
Mafutaga a matua matutua i le Gold Coast.
February 07, 2024 11:39 - 7 minutes - 6.67 MBI se talanoaga ma se tasi o sui o le komiti faafoe o le Samoan Gold Coast Association Inc, le Susuga ia Amani Matamu, na ia ta'ua ai o le 'autu o le faamoemoe i le mafutaga, o le iai lea o se avanoa e mafuta ma feiloa'i ai matua o loo aumau pe asiasi atu i le Gold Coast, e tafafao, talisua, ta'a'alo pele suipi ma faatino nisi o aga masani o le aganu'u. E fesoasoani ai fo'i i fanau ma tupulaga talavou e malamalama ma faasoa iai le tomai ma le tofi i le gagana ma aganu'u a Samoa.
Maliu se ta'ita'i o tagata muamua - Dr Lowitja O'Donoghue.
February 07, 2024 11:20 - 7 minutes - 6.5 MBO Dr Lowitja O'Donoghue se tasi o tagata muamua o Tupulaga Gaoia, le Stolen Generation, ma na lalamua i le tuleiga o le mau mo se faaleleiga ma le faato'esega na fofogaina e le palemia Kevin Rudd i le 2008. O ia fo'i na avea ma Australian of the Year, le Komesina muamua o le ATSIC (Aboriginal and Torres Straits Islanders Commission) ma na lalamua i le tulafono i le aia a tagata muamua i fanua le Native Title Act o le 1993.
Togafitia Salesa III i se itu'aiga kanesa.
February 07, 2024 11:03 - 2 minutes - 2.56 MBE le o faailoa maia i le taimi nei le itu'aiga kanesa o loo a'afia ai le tupu o Peretania ma Ausetalia, Salesa III.
Mesothelioma: kanesa e mafua mai i le pefu o le asbestos.
February 02, 2024 05:21 - 8 minutes - 8.16 MBO se tala fiafia le ono maua i se taimi lata mai o se su'ega poo se test e vave iloa ai ma togafitia tagata e a'afia i le mesothelioma, o se kanesa e mafua mai i le manavaina o le pefu o le asbestos.
Fonotaga a le ANZMIN - minisita o puipuiga ma vaifafo i Ausetalia ma Aotearoa.
February 02, 2024 05:14 - 5 minutes - 4.68 MBO mata'upu na laualuga i talanoaga o le feagaiga le AUKUS atoa ai le faatosina a nisi o malo i atunu'u laiti o le Pasefika.
E tatau ona avatu ni leoleo mai fafo e faia su'esu'ega i Samoa?
February 02, 2024 05:04 - 10 minutes - 9.29 MBO le fesili lenei ua laga e nisi ona o le 'umi o leai se faai'uga manino ma mautu i le faalavelave ta'avale lea na maliu ai se taule'ale'a i tausaga ua mavae, ma o loo tuua'ia ai e nisi ni sui faipule o le palemene o Samoa.
Fasiotia e fitafita Isaraelu ni tagata i se falema'i i le West Bank.
January 31, 2024 23:51 - 5 minutes - 5.47 MBUa ta'ua e le militari a Isaraelu o tagata na fasiotia i totonu o se falema'i i Jenin i le West Bank o ni fitafita a Hamas, peita'i, e le o iai seisi molimau e faamaonia ai. E le o aumaia i le taimi nei se manatu mautu o le faigamalo i Amerika i le osofa'iga ma le auala na faia ai i totonu o se falema'i.
Fasiotia e fitafita Isaraelu ni tagata i se falema'i i le West Bank.
January 31, 2024 23:51 - 5 minutes - 5.47 MBUa ta'ua e le militari a Isaraelu o tagata na fasiotia i totonu o se falema'i i Jenin i le West Bank o ni fitafita a Hamas, peita'i, e le o iai seisi molimau e faamaonia ai. E le o aumaia i le taimi nei se manatu mautu o le faigamalo i Amerika i le osofa'iga ma le auala na faia ai i totonu o se falema'i.
Pa'ulia se va'a fagota i le matafaga o Apia.
January 31, 2024 23:27 - 5 minutes - 5.33 MBE ono faasalaina le kamupani e ona le va'a fagota lea o loo pa'ulia i le matafaga o Apia ina ua motu mai le taula i le uafu i Matautu ona o le malosi o le galu. O loo iai popolega i le a'afia o le si'osi'omaga o le gataifale pe a mama ma liki le suau'u mai le va'a.
Se tala'aga o le faalapotopotoga a Hamas.
January 31, 2024 05:15 - 9 minutes - 8.71 MBO se tala'aga pu'upu'u lenei o le faalapotopotoga a Hamas i le Gaza Strip i Palesitina. Na amata i so'otaga vavalalata ma le Muslim Brotherhood i Aikupito ae na manumalo i palota o le pulega o le Gaza i le taimi o lalamua le faalapotopotoga le Fatah (mulimuli ane faaigoaina o le Palestine Liberation Movement). O se ripoti lenei na faamaopoopoina ma nisi e lava le silafia i mata'upu i Sasa'e i Totonu, ae maise le va o Isaraelu ma Palesitina.
Ola toe fuata'ina i le musika.
January 30, 2024 05:35 - 6 minutes - 6.37 MBUa amata i le fale puipui o tama'ita'i i South Australia se polokalame e fa'aaogaina ai musika mo le toe fuata'ina o olaga o tama'ita'i o loo nofosala ai.
Pesia nisi i le misela i Ausetalia.
January 30, 2024 05:25 - 6 minutes - 6.35 MBE ui i le tele o tausaga e le'i toe molimauina le pesia o se tagata i le misela i Ausetalia ona o le to'atele o tagata ua mae'a ona faia tui puipui, ae o le pepesi o le misela i Europa, Amerika ma Aferika, ua toe sao mai ai le misela ma ua molimauina ai le pesia o ni tagata i NSW, Queensland, ACT ma Vitoria. Ua lapata'ia tagata uma e va'ai vave so foma'i pe a molimauina auga o le fiva, tiga pe 'e'eva musele o le tino, ae maise pe a sasao mai le lalavevela poo se mumu 'ini'ini i le pa'u o le t...
Aia e faaulu ai se 'private prosecution' pe a le taliaina se faai'uga a leoleo.
January 30, 2024 04:52 - 8 minutes - 7.55 MBNa faamanino e le minisita o faamasinoga ma leoleo i Samoa, Faualo Harry Schuster, le tulaga o le tulafono pe a le taliaina e se tagata se faai'uga a leoleo i se mata'upu. E mafai ona faaulu sana tagi e faasaga i le matagaluega o leoleo, pe faaulu sana lava 'private prosecution' e iloiloina ai e le faamasinoga sana mata'upu.
Aia e faaulu ai se 'private prosecution' pe a le taliaina se faai'uga a leoleo.
January 30, 2024 04:52 - 8 minutes - 7.55 MBNa faamanino e le minisita o faamasinoga ma leoleo i Samoa, Faualo Harry Schuster, le tulaga o le tulafono pe a le taliaina e se tagata se faai'uga a leoleo i se mata'upu. E mafai ona faaulu sana tagi e faasaga i le matagaluega o leoleo, pe faaulu sana lava 'private prosecution' e iloiloina ai e le faamasinoga sana mata'upu.
Ono lamatia meaola mai le vaila'au fanavao le paraquat.
January 25, 2024 08:24 - 6 minutes - 6.35 MBUa aumaia se fautuaga mai le faalapotopotoga o loo gafa ma le puipuia o le saogalemu o meaola i Samoa, i le tatau i le malo ma le matagaluega o faato'aga ona taofia le toe faatauina i le atunu'u o le vaila'au fanavao le paraquat ona ua masalomia le 'onana ma mamate ai o meaola e pei o ta'ifau.
Roger Rogerson - leoleo, faatau fuala'au faasaina, fasioti tagata.
January 25, 2024 07:42 - 6 minutes - 5.79 MBO se leoleo na manatu le to'atele e avea ma Komesina o leoleo i New South Wales, ae na iloa mulimuli ane o se tagata mana'o lasi ma na ia sa'ili lona manuia i auala solitulafono ma le faamaoni. E maliu nei Roger Rogerson ua 83 tausaga lona matua ae o loo tuli lona faasalaga solo atoa i le falepuipui i le fasiotia o se tama e 20 tausaga le matua ona o fuala'au faasaina.
Faamatalaina o le two-state-solution - Isara'elu ma Palesitina.
January 25, 2024 07:30 - 9 minutes - 8.65 MBUa faaalia e le palemia o Isara'elu, Benjamin Netanyahu lona le taliaina o se malo tu ma'oti o Palesitina e tua'oi ma Isara'elu, e ui o se mau o loo tuleia malosi e Amerika ma Ausetalia.
31 tausaga o Elevisi i le Elvis Festival i Parkes, NSW.
January 23, 2024 05:22 - 4 minutes - 4.51 MBUa 47 tausaga talu ona maliu Elevisi (Elvis Presley), ae ua 31 nei tausaga o faamanatuina lona soifuaga ma ana pese i le Elvis Festival i Parkes i New South Wales.
Beforeplay: tausisi i feusua'iga puipuia ma saogalemu.
January 23, 2024 05:08 - 6 minutes - 5.68 MBUa molimauina se si'itaga i le aofa'i o tagata ua pesia i faama'i e afua mai i feusua'iga le saogalemu ma puipuia, ae maise le syphilis ma le chlamydia. Ua faia ai e le malo tele se campaign poo faasalalauga o loo faamoemoe e avatu ai le fe'au i le taua o feusu'aiga puipuia ma saogalemu.
O ai e manuia i le Stage 3 Tax Cuts a le malo ?
January 23, 2024 04:56 - 10 minutes - 9.75 MBSe vaega o talafou a le SBS e aofia ai fuafuaga a le malo tele i Ausetalia i se faamama'avega e auala i le tipiina o lafoga a tagata faigaluega. O loo faitioina e nisi le fuafuaga ona o le a sili ona manuia ai tagata i luga atu o le $180,000 i le tausaga o latou totogi.
$1.5 miliona i le itula le totogi - e uma ona e fa'aaogaina?
January 17, 2024 05:52 - 8 minutes - 7.78 MBE ui i le taugata o le tau o le soifuaga ma le mativa o loo feagai ma nisi i Ausetalia nei, ua faaalia i se ripoti a Oxfam, o tagata e to'a 47 aupito maumea i le atunu'u na si'itia i le $255 piliona a latou tupe maua i le 2 tausaga ua mavae atu nei. O totogi o tagata e to'a 3 aupito maumea i le atunu'u, na faatusa i le $1.5 milion i le itula o latou totogi.
Pepesi le JN.1variant o le KOVITI-19 i Ausetalia.
January 17, 2024 05:42 - 5 minutes - 5.47 MBUa iai se ituaiga poo se variant o le KOVITI-19 e faaigoaina o le JN.1 ua molimauina le sili atu ona pepesi nai isi variants o le Koronavairusi na molimauina muamua i le amataga o le faama'i tele. I le taimi nei, o le molimau mai foma'i, e ui ina sili atu ona pepesi, ae le matuia atu ona auga e pei o le Delta ma isi variants na iai muamua.
Solitu pulega faaitumalo i le Australia Day.
January 17, 2024 05:33 - 8 minutes - 7.6 MBUa faaopoopo le aofa'i o pulega faaitumalo (local councils) ua faaalia lo latou tete'e i le faailogaina o le Australia Day i le Aso 26 o Ianuari. O le tete'e o loo faavae i le manatu o le aso lea na faoa faamalosi ai le tofi o tagata muamua e papalagi.
Molia se ali'i Palauli i lana to'aga mariuana.
January 11, 2024 23:49 - 6 minutes - 6.09 MBNa maua i le osofa'iga a leoleo le to'aga mariuana a se taule'ale'a i le afio'aga o Vailoa i Palauli. atoa ai ma nisi talafou mai Samoa i le ripoti a Galumalemana Autagavaia mai Apia.
La'ititi ae ma'ini - uila sami i matafaga i Ausetalia.
January 11, 2024 23:33 - 6 minutes - 6.11 MBO nisi o uila sami e le mafai ona va'aia e mata ona e leai ni o latou lanu, ae a tuia ai, e amata i le matua tele o le tiga, soso'o ai le faasuati ma matapogia. Ua molimauina le tele o uila sami i ogasami o Ausetalia i lenai tau mafanafana, ma ua aumaia ai se lapata'iga i le faaeteete i ta'elega i le sami.
Le vaiaso o tatalo ma anapogi i Samoa.
January 10, 2024 05:58 - 3 minutes - 3.34 MBO loo faagasolo i le vaiaso nei sauniga lotu o tatalo ma anapogi e tapua'ia ai le folauga a Samoa i lenei tausaga fou 2024.
Taga le faamanuia, ae Sa le faapa'ia.
January 09, 2024 00:30 - 4 minutes - 3.91 MBE ui i le faatagaina ona faamanuia e se patele poo se faife'au o le Ekalesia Katoliko Roma o faatasiga a ulugalii itupa tutusa, e le o faatagaina ai le faaapa'iaina o se ulugalii itupa tutusa i lalo o tu ma sauniga masani a le Ekalesia.
Taligamalo a Samoa i le fono a ta'ita'i o malo o le taupulega.
January 09, 2024 00:09 - 5 minutes - 4.96 MBO le taligamalo a Samoa i le fonotaga a ta'ita'i o malo o le taupulega, o loo faamoemoe e auai atu iai ma le Tupu o Peretania, Salesa le Tolu.
Taligamalo a Samoa i le fono a ta'ita'i o malo o le taupulega.
January 09, 2024 00:09 - 5 minutes - 4.96 MBO le taligamalo a Samoa i le fonotaga a ta'ita'i o malo o le taupulega, o loo faamoemoe e auai atu iai ma le Tupu o Peretania, Salesa le Tolu.
Ono talia tagatanu'u Pasefika i le militari a Ausetalia.
January 09, 2024 00:01 - 10 minutes - 9.73 MBUa faaalia e le malo tele i Ausetalia se fuafuaga e mafai ai ona talia tagatanu'u mai le Pasefika e auai i le militari a le atunu'u, le Australian Defence Force.
Lapata'iga i le ono pesia i le Legionnaires disease i Sini.
January 05, 2024 05:21 - 6 minutes - 5.62 MBE to'a 7 tagata ua faamaonia le a'afia i le siama le Legionella bacteria e mafua ai le Legionnaires disease, ma i'u ai ina maua i le nimonia. O loo masalomia le ono pesia ai ma nisi na auai i le ogatotonu o le taulaga o Sini i le fafeiloa'iga o le tausaga fou atoa ai le tumutumu i faatau o le Boxing Day Sales.
Faamuamua a'oga ma le soifua maloloina i fuafuaga a le malo Samoa.
January 03, 2024 23:50 - 5 minutes - 4.96 MBI lana saunoaga muamua i le atunu'u i lenei tausaga fou, na faailoa e le palemia o Samoa, Fiame Naomi Mata'afa, nisi o vaega o le a ave iai le faamuamua a lana faigamalo i le 2024.
Saunoaga faamanuia a le palemia o Samoa, Fiame Naomi Mata'afa.
January 03, 2024 05:42 - 11 minutes - 10.8 MBI lana saunoaga faamanuia mo le Tausaga Fou, na faamanatu ai fo'i e le palemia o Samoa le taligamalo a le atunu'u i le fonotaga a ta'ita'i o malo o le taupulega lea o loo faamoemoe e usuia i Apia i le masina o Setema.
Toe iloilo le poloketi ST$1miliona a le malo Samoa
December 15, 2023 04:43 - 8 minutes - 7.49 MBNa saunoa le minisita o loo gafa ma le poloketi, o le faafitauli i nisi o itumalo ma alaalafaga, o le faigata ona malamalama ma uia faiga faavae ma mana'oga o loo faata'oto atu e le malo e pasia ai ona faamatu'u atu tupe mo galuega atia'e i lalo o le poloketi.
70 tausaga o le Kolisi o Samoa
December 14, 2023 23:13 - 5 minutes - 5.16 MBE aofia i tagata na a'oa'oina i le Kolisi o Samoa nisi na umia ma o loo umia nei tulaga maualuluga ma taualoa i le malo Samoa, atoa ai Ekalesia Kerisiano 'ese'ese i Samoa ma atunu'u i fafo.
Le amana'ia e le malo Samoa le savali le Ceasefire Samoa.
December 08, 2023 04:36 - 7 minutes - 6.67 MBNa faaalia le faanoanoa o le komiti na faamaopoopoina le savali filemu Ceasefire Samoa i le le amana'iaina e le mal Samoa o la latou savali. O loo vala'au i latou i le maalo e faailoa i le faigamalo Isaraelu le fe'au i le tatau ona taofia nei lana osofa'iga o 'ele'ele o le Gaza i Palesitina.
Faaipoipoga faamalosi i Ausetalia.
December 06, 2023 20:26 - 7 minutes - 7.09 MBE 'ova i le $12 miliona o le a fa'aalu e le malo tele i polokalame lavea'i ma lagolago i tama'ita'i ma tina o loo sauaina i faaipoipoga faamalosi. Na faaalia e leoleo a le malo tele, le AFP, o le itu'aiga faapologaina lenei o loo sili ona to'atele tagata e feso'ota'i atu mo fesoasoani.
Ripoti i le maloloina o fanau i Ausetalia.
December 06, 2023 19:55 - 5 minutes - 4.61 MBUa faaalia i se ripoti le se'e i tua o le tulaga maloloina o fanau i Ausetalia ona o le taugata o le tau o le soifuaga ma le le lava o le faamalosi tino.
Faiga faavae fou a le malo Samoa mo galuega faavaitaimi.
November 23, 2023 05:18 - 7 minutes - 6.76 MBE aofia ai i faiga faavae fou nei le auai o sui o nu'u i le filifiliga o tagata e galulue faavaitaimi ma aiaiga i tagata e ta'uleagaina ai le polokalame ma le atunu'u i amio le taupulea ae o galulue ai i Aotearoa Niu Sila ma Ausetalia.
60 tausaga talu ona fasiotia Keneti (John.F.Kennedy).
November 23, 2023 05:11 - 10 minutes - 9.76 MBUa atoa tonu i le vaiaso nei le 60 tausaga talu ona fasiotia le peresitene o Amerika, John.F.Kennedy i le taulaga o Dallas i Texas. O loo tele pea ma anoano tala faatupu i le mafua'aga na fasiotia ai Keneti, ae poo ai mo'i na faatonuina.
Ono faasa'oloto e Hamas nisi o tagata na latou 'ave faapagotaina.
November 23, 2023 05:00 - 7 minutes - 7.22 MBE ono faasa'oloto e Hamas nisi o tagata na latou 'ave faapagotaina i le masina na te'a nei, ae ua latou faaalia e tatau ona muamua taofia le osofa'iga a Isara'elu. Ma seisi o tala, e ono tolopo pe suia nofoaga e faia ai nisi o taaloga o le Olimipeka i Paris i le tausaga fou ona o le taua o loo faia nei i le va o Isara'elu ma Hamas.
Se'i faai'uina muamua su'esue'ga i Ausetalia.
November 18, 2023 09:37 - 3 minutes - 3.11 MBO loo faatali le malo Samoa e faamae'a muamua su'esu'ega a leoleo ma le faamasinoga o su'esu'ega maliu, le coroner i Ausetalia, ona faato'a faia lea o fuafuaga mo le toe faafo'i i Samoa o tagatanu'u Samoa ia na maliliu i Vitoria i se faalavelave ta'avale ae o iai e galulue i galuega faavaitaimi.
Tatala aloa'ia i le Aso Sa o muamua Ta'aloga Pasefika i le atu Solomona.
November 16, 2023 11:01 - 6 minutes - 5.52 MBO le Aso Sa o muamua nei, Aso 19 o Novema, e tatala aloa'ia ai taaloga a le Pasefika, le Pacific Games i Honiara i le atu Solomona. Ma o le a auai atu iai se 'au ta'alo e to'a 72 mai Ausetalia. O le a auai atu fo'i iai ma se 'au mai Aotearoa Niu Sila. E pei ona molimauina i taaloga a le Pasefika i tausaga ua mavae, o le 'au mai Samoa o loo faamoemoe i ni pine 'auro ma siliva mai faipelega ma si'i u'amea mamafa.
2023 faato'a o'o le pamu vai i Mauga i Savai'i.
November 16, 2023 10:38 - 3 minutes - 3.65 MBUa olioli ma talisapaia e le alaalafaga o Mauga i Savai'i le fesoasoani a le malo i le viliina o le suavai i se pamu ua faato'a to'a ai le alaalafaga mai le 'uti'uti o le suavai mama e pei ona feagai ai i tausaga ua mavae. O lebei atina'e o le a manuia ai fo'i alaalafaga o Samalae'ulu ma Patamea.
Tuua'ia Hamas i le faia o fuafuaga militari i falema'i i le Gaza.
November 15, 2023 11:42 - 10 minutes - 9.3 MBUa talia e le faigamalo i Amerika tuua'iga a Isaraelu i le fa'aaogaina e Hamas o falema'i, ae maise le falema'i tele Al-Shifa e faia ai ana fuafuaga faamilitari ma o loo nana i ana i lalo o le falema'i tagata na 'ave faapagotaina e Hamas i lana osofa'iga o eleele o Isaraelu i le masina na te'a nei.
E le'i gaoia e tagata tupe o penefiti: Robodebt Komisi Su'esu'e.
November 15, 2023 11:31 - 6 minutes - 5.62 MBO se polokalame na sauaina ai nisi o tagata ma na solitulafono le auala na faia ai. O se faai'uga lea a le Komisi su'esu'e, le Robodebt Royal Commission i le polokalame a le faigamalo a le soofaatasiga na te'a nei lea na aoina ai le 'ova i le $750 miliona mai tagata na tuua'ia e le malo na aitalafu i tupe o penefiti. O nei aitalafu na mafua mai i se polokalame computer na fuafuaina totogi o penefiti, ae na iloa mulimuli ane le tele o sese ma faaletonu ma tupu mai ai.
Saunoa Fiame Naomi Mata'afa i lafoga so'ona fai a nisi i le Facebook.
November 15, 2023 11:07 - 4 minutes - 4.26 MBO le saunoaga a le palemia o Samoa, Fiame Naomi Mata'afa, na faasino tonu i le tele o faamatalaga o loo faasalalauina i luga o le Facebook i le mata'upu i se taule'ale'a na maliu i le alatele i le lua tausaga ua mavae ae o'o mai i le taimi nei e le'i maua le taavale ma le 'ave taavale na tupu ai le faalavelave. O loo tuua'ia ai e nisi se sui faipule ua maliu ma le vasega o leoleo ma nisi i le faalavelave. O loo faate'a le tumau ai ni leoleo se to'alua i tuua'iga o le faia o ni su'esu'ega i le...
Faate'a le tumau leoleo i su'esu'ega e le'i faatagaina.
November 10, 2023 05:17 - 16 minutes - 15.5 MBI se faatalanoaga ma le sui o le SBS Samoan i Apia, na faaalia e le leoleo asiasi Li'o Faataumalama lona tete'e i tuua'iga e pei ona faate'a le tumau ai o ia ma se tasi leoleo i le faia o se su'esu'ega i le maliu o se tama talavou i le 2 tausaga ua mavae e aunoa ma se faatagana mai le Komesina. Ua 2 tausaga talu ona maliu le taule'ale'a i se faalavelave na so'a ai e se taavale, ae o'o mai i le taimi nei, e le'i maua e leoleo ma su'esueina pe molia le tagata na 'aveina le taavale.
Faaulu le apili a Levi Sale'imoa i le Faamasinoga o Fanua ma Suafa.
November 09, 2023 00:55 - 4 minutes - 4.05 MBO le mata'upu lenei na alia'e mai i se finauga i le va o Levi/Alamutu ma le afio'aga o Afega i fanua faaleaganu'u. O le tagi a Levi/Alamutu o loo aofia ai se faasea i le faipule o Sagaga 2 Maulolo Tavita, o se matai o Afega, atoa ai se faasea ia latou meatotino ma meatoto na faalaeagaina ina ua sua e Afega nisi o fanua o loo finau ai.