ቀጥታ ምሉእ ትሕዝቶ ኤስ ቢ ኤስ ትግርኛ (15 ለካቲት 2024))
SBS Tigrinya - ኤስ.ቢ.ኤስ ትግርኛ
Tigrinya - February 15, 2024 01:35 - 55 minutes - 61.2 MB - ★★★★★ - 9 ratingsNews sbs feature tigrinya Homepage Download Apple Podcasts Google Podcasts Overcast Castro Pocket Casts RSS feed
ንሎሚ ሓሙስ 15 ለካቲት 2024 ንሓደ ሰዓት ዝጸንሕ መደብና፥ ኣምባሳደር ዓንደብርሃን ወልደጊዮርጊስ፡ ኣብዚ ኣብ ኣውስትራሊያ ዑደት ክገብረሉ ኣብ ዝቐነየሉ እዋን፡ ብዛዕባ ፖለቲካ ዲያስፖራ፡ ዞባዊ ፖለቲካዊ ምዕባለን ለውጥን ኣብ ኤርትራን ዝምልከት ምስ ኤስ ቢ ኤስ ዝገበሮ ቃለ መሕትት ዝተወስደ እዩ። ካልኣይ ክፋልን ናይ መወዳእታን ሎሚ ከነቕርቦ ኢና። ሰራሕቲ ኢደ ስራሓት ደቀባት፡ ጽባቐ ናይ ነገራት ይፈጥሩ : እቲ መስርሕ ግን ዓሚቝ ባህላዊ ኣገዳስነት ኣለዎ ። ኣብዚ ናይ ሎሚ መደብ ምንባር ኣብ ኣውስትራሊያ ብዛዕባዚ ትሕዝቶ ከነቕርብ ኢና ። ጸብጻብ ልኡኽና ኣብ ትግራይ 12ሽሕ ሓደሽቲ ሰባት ተመዛቢሎም ተባሂሉ። መንግስቲ ኢትዮጵያ ብወተሃደራቱ ኣብ ኣምሓራ ተፈጺሙ ዝተብሃለ ቅትለት ሰላማውያን ሰባት ነፂጉዎ። ዝብሉ ትሕዝቶ ዘለዎ ዜና ከቕርበልና እዩ። ኣርእስታት ዜና፥ ማኪና ዘፍሪ ትካል ማዝዳ ንዓማዊሉ ብዛዕባ ዘፍረዮ መኪና ከቢድ ጕድለት እናሃለዎ ኣታሊልዎም ብዝብል 11.5 ሚልዮን ዶላር ተቐጺዑ ። ኣብ ጋዛ ተኹሲ ደው ክብል ዝጽውዕ ንድፊ ውሳነ ንምሕላፍ ኣብ መንጎ ኣባላት ቤት ምኽሪ ዉሕሃን ኣባላትን ሰፊሕ ደገፍ ከምዘለዎም ኣባላት ማሕበር ሃገራት ዓረብ ገሊጾም ። ኤርትራ ኣብ መበል 44 ስሩዕ ጉባኤ ፈጻሚት ቤት-ምክሪ ሕብረት ኣፍሪካ ትሳተፍ ኣላ።