ስነ ስርዓት ምዕዳል ሽልማት ዓዋተ ንዕዉታት ተመሃሮ ኣብ መልበርን ኣውስትራሊያ። ((ጸብጻብ)

ጸብጻብ፥ መበል 14 ዓመታዊ ስሩዕ ስነ-ስርዓት ምዕዳል ሽልማት ዓዋተ፡ ብ24 ለካቲት 2024 ብቤት ትምህርቲ ቋንቋ ማሕበረሰብ ኤርትራ ኣብ መልበርን ተኻይዱ ። እቲ ስነ ስርዓት ፡ ነቶም ኣብ 2023 ብ VCE, IB. እተመረቑን ዩኒቨርሲቲ ዝወድኡን ንስድራ ቤቶምን ንምጽምባል ዝተገብረ በዓል እዩ ነይሩ ። እቲ ቤት ትምህርቲ ነቶም ተመሃሮን ንስድራ ቤቶምን ናይ ምሽላም ስነ-ስርዓት ወዲቡ ፡ ንዅሎም ተዓወትቲ ናይ ዓወት ምስክር ወረቐት ዓዲሉ ። ኣብ ርእሲ እዚ: እቶም ልዑል ዓወት ዘመዝገቡ ብሉጽ ሽልማት ዓዋተ ተዋሂብዎም ። ብተወሳኺ፡ ግዜኦም ንማሕበረሰብ ኣብ ምግልጋል ዝወፈዩ ወለንተኛታት ንዝገበርዎ ኣበርክቶ'ውን ኣፍልጦ ተዋሂብዎም ። ብዘይካዚ ፡ መደረታትን ባህላዊ ምርኢታትን ቀሪቡ ኣምስዩ ።