མེ་ཏོག་ལྷ་མཛེས་ལགས་ལ་ ༢༠༢༠ ལོའི་ Miss Himalaya Global བྱ་དགའ་ཐོབ་འདུག
Voice of Tibet
English - February 15, 2020 03:13 - ★★★★★ - 9 ratingsNews voice tibet vot tibetan radio service news bhodkyilungtrin norway Homepage Download Apple Podcasts Google Podcasts Overcast Castro Pocket Casts RSS feed
ཕྱི་ཟླ་ ༢ ཚེས་ ༡༢ ཉིན་རྒྱ་གར་རྒྱལ་དི་ལླཱིར་ཚོགས་པའི་ ༢༠༢༠ ལོའི་ Mr and Miss Glory of India ཞེས་པའི་མཛངས་མའི་འགྲན་བསྡུར་ནང་བོད་རིགས་བེུད་མེ་ཏོག་ལྷ་མཛེས་ལགས་ལ་ Miss Himalaya Global བྱ་དགའ་ཐོབ་འདུག Aman Gandhi གློག་བརྙན་བཟོ་སྐྲུན་ཁང་གི་གོ་སྒྲིག་འོག་ཉེ་ཆར་དི་ལླླི་གསར་པར་ཚོགས་པའི་མཛངས་མའི་འགྲན་བསྡུར་ནང་མེ་ཏོག་ལྷ་མཛེས་ལགས་ནས་མཉམ་ཞུགས་གནང་བ་ལྟར་ཁོང་ལ་ Miss Himalaya Global བྱ་དགའ་ཐོབ་འདུག འགྲན་བསྡུར་དེའི་ནང་རྒྱ་གར་གྱི་མངའ་སྡེ་འདྲ་མིན་དང་བལ་ཡུལ་བཅས་ནས་བུ་དང་བུ་མོ་རང་ལོ་ ༡༨ ནས་ ༣༠ བར་དང་གཟུགས་པོའི་རིང་ཐུང་ཕི་ཊི་ ༥་༣ ནས་ ༥་༡༡ བར་ཡིན་པ་བཅས་ནས་མཉམ་ཞུགས་གནང་ཡོད་པ་རེད། སྐབས་དེར་འགྲན་བསྡུར་གྲུབ་མཚམས་སུ་གསར་འགོད་པས་བཅར་འདྲི་ཞུས་པའི་ཁྲོད་ལས་རིམ་གོ་སྒྲིག་གནང་མཁན་གྱི་ངོས་ནས་ Mr and Miss Glory of India ཞེས་པའི་འགྲན་དེ་གློག་བརྙན་བཟོ་སྐྲུན་ཁང་དེས་ཕྱི་ལོ་ ༢༠༡༢ ལོ་ནས་དབུ་འཛུགས་གནང་བ་ཞིག་ཡིན་པ་དང། དེའི་ནང་མཛངས་མའི་འགྲན་བསྡུར་གཞན་ལྟར་གྱོན་ཆས་ཉུང་ཉུང་སྤྲས་མི་དགོས་པའི་དམིགས་གསལ་གྱི་ཁྱད་ཆོས་ཡོད་པ། དེ་བཞིན་འགྲན་བསྡུར་ཐོག་དེ་སྔ་ཨིན་ཇིའི་ Hollywood བེུད་ནས་ཀྱང་མཉམ་ཞུགས་གནང་ཡོད་པར་མ་ཟད། ཐེངས་འདིའི་འགྲན་བསྡུར་ཐོག་བོད་ཀྱི་བེུད་ཅིག་ནས་མཉམ་ཞུགས་གནང་ཡོད་པར་གསུངས་འདུག དེ་རྗེས་མེ་ཏོག་ལྷ་མཛེས་ལགས་ཀྱིས་གསར་འགོད་པར་ཁོང་མོ་ད་རེས་འགྲན་བསྡུར་དེའི་ནང་མཉམ་ཞུགས་གནང་རྒྱུའི་གོ་སྐབས་གནང་བ་དེ་ནི་བོད་དོན་ལ་རྒྱབ་སྐྱོར་གནང་བ་ཅིག་དང་གོ་སྐབས་དེ་ལྟར་གནང་བར་ཐུགས་རྗེ་ཆེ་ཞུས་པ་དང་ཆབས་ཅིག་ཏུ་ཁོང་ལ་བྱ་དགའ་ཐོབ་པར་དགའ་ཚོར་ཆེན་པོ་བྱུང་ཞེས་གསུངས་འདུག རྩ་བའི་མེ་ཏོག་ལྷ་མཛེས་ལགས་ནི་ཕྱི་ལོ་ ༡༩༩༩ ལོར་བོད་ནས་རྒྱ་གར་དུ་འབྱོར་རྗེས་སུ་ཇཱ་བོད་ཁྱིམ་སློབ་གྲྭར་སློབ་ཞུགས་གནང་ཡོད་པ་དང་། རྗེས་སུ་ཁོང་གི་པཱ་ལགས་ཀྱི་གཟུགས་གཞི་བདེ་མིན་རྐྱེན་པས་བོད་ལ་ཕྱིར་ལོག་གནང་དགོས་བྱུང་ཡོད་སྟབས་བོད་ནང་ལོ་གསུམ་རིང་བཞུགས་འདུག སྐབས་དེར་རྒྱ་གཞུང་གིས་ཁོང་ལ་དོགས་གཞི་འདྲ་མིན་བྱས་པར་བརྟེན་ཟླ་བ་གཅིག་དང་ཕྱེད་ཀ་ཙམ་གྱི་རིང་བཙོན་འཇུག་བྱས་མྱོང་འདུག ཕྱི་ལོ་ ༢༠༠༤...
ཕྱི་ཟླ་ ༢ ཚེས་ ༡༢ ཉིན་རྒྱ་གར་རྒྱལ་དི་ལླཱིར་ཚོགས་པའི་ ༢༠༢༠ ལོའི་ Mr and Miss Glory of India ཞེས་པའི་མཛངས་མའི་འགྲན་བསྡུར་ནང་བོད་རིགས་བེུད་མེ་ཏོག་ལྷ་མཛེས་ལགས་ལ་ Miss Himalaya Global བྱ་དགའ་ཐོབ་འདུག
Aman Gandhi གློག་བརྙན་བཟོ་སྐྲུན་ཁང་གི་གོ་སྒྲིག་འོག་ཉེ་ཆར་དི་ལླླི་གསར་པར་ཚོགས་པའི་མཛངས་མའི་འགྲན་བསྡུར་ནང་མེ་ཏོག་ལྷ་མཛེས་ལགས་ནས་མཉམ་ཞུགས་གནང་བ་ལྟར་ཁོང་ལ་ Miss Himalaya Global བྱ་དགའ་ཐོབ་འདུག
འགྲན་བསྡུར་དེའི་ནང་རྒྱ་གར་གྱི་མངའ་སྡེ་འདྲ་མིན་དང་བལ་ཡུལ་བཅས་ནས་བུ་དང་བུ་མོ་རང་ལོ་ ༡༨ ནས་ ༣༠ བར་དང་གཟུགས་པོའི་རིང་ཐུང་ཕི་ཊི་ ༥་༣ ནས་ ༥་༡༡ བར་ཡིན་པ་བཅས་ནས་མཉམ་ཞུགས་གནང་ཡོད་པ་རེད།
སྐབས་དེར་འགྲན་བསྡུར་གྲུབ་མཚམས་སུ་གསར་འགོད་པས་བཅར་འདྲི་ཞུས་པའི་ཁྲོད་ལས་རིམ་གོ་སྒྲིག་གནང་མཁན་གྱི་ངོས་ནས་ Mr and Miss Glory of India ཞེས་པའི་འགྲན་དེ་གློག་བརྙན་བཟོ་སྐྲུན་ཁང་དེས་ཕྱི་ལོ་ ༢༠༡༢ ལོ་ནས་དབུ་འཛུགས་གནང་བ་ཞིག་ཡིན་པ་དང། དེའི་ནང་མཛངས་མའི་འགྲན་བསྡུར་གཞན་ལྟར་གྱོན་ཆས་ཉུང་ཉུང་སྤྲས་མི་དགོས་པའི་དམིགས་གསལ་གྱི་ཁྱད་ཆོས་ཡོད་པ། དེ་བཞིན་འགྲན་བསྡུར་ཐོག་དེ་སྔ་ཨིན་ཇིའི་ Hollywood བེུད་ནས་ཀྱང་མཉམ་ཞུགས་གནང་ཡོད་པར་མ་ཟད། ཐེངས་འདིའི་འགྲན་བསྡུར་ཐོག་བོད་ཀྱི་བེུད་ཅིག་ནས་མཉམ་ཞུགས་གནང་ཡོད་པར་གསུངས་འདུག
དེ་རྗེས་མེ་ཏོག་ལྷ་མཛེས་ལགས་ཀྱིས་གསར་འགོད་པར་ཁོང་མོ་ད་རེས་འགྲན་བསྡུར་དེའི་ནང་མཉམ་ཞུགས་གནང་རྒྱུའི་གོ་སྐབས་གནང་བ་དེ་ནི་བོད་དོན་ལ་རྒྱབ་སྐྱོར་གནང་བ་ཅིག་དང་གོ་སྐབས་དེ་ལྟར་གནང་བར་ཐུགས་རྗེ་ཆེ་ཞུས་པ་དང་ཆབས་ཅིག་ཏུ་ཁོང་ལ་བྱ་དགའ་ཐོབ་པར་དགའ་ཚོར་ཆེན་པོ་བྱུང་ཞེས་གསུངས་འདུག
རྩ་བའི་མེ་ཏོག་ལྷ་མཛེས་ལགས་ནི་ཕྱི་ལོ་ ༡༩༩༩ ལོར་བོད་ནས་རྒྱ་གར་དུ་འབྱོར་རྗེས་སུ་ཇཱ་བོད་ཁྱིམ་སློབ་གྲྭར་སློབ་ཞུགས་གནང་ཡོད་པ་དང་། རྗེས་སུ་ཁོང་གི་པཱ་ལགས་ཀྱི་གཟུགས་གཞི་བདེ་མིན་རྐྱེན་པས་བོད་ལ་ཕྱིར་ལོག་གནང་དགོས་བྱུང་ཡོད་སྟབས་བོད་ནང་ལོ་གསུམ་རིང་བཞུགས་འདུག སྐབས་དེར་རྒྱ་གཞུང་གིས་ཁོང་ལ་དོགས་གཞི་འདྲ་མིན་བྱས་པར་བརྟེན་ཟླ་བ་གཅིག་དང་ཕྱེད་ཀ་ཙམ་གྱི་རིང་བཙོན་འཇུག་བྱས་མྱོང་འདུག ཕྱི་ལོ་ ༢༠༠༤ ལོར་ཁོང་རྒྱ་གར་དུ་ཐེངས་གཉིས་པ་ཕེབས་རྗེས་བཞུགས་སྒར་དྷརྨ་སཱ་ལཱར་ཕྱི་ལོ་ ༢༠༠༦ ལོའི་བོད་ཀྱི་མཛངས་མའི་འགྲན་བསྡུར་ནང་ཞུགས་མྱོང་ཡོད་པ་རེད།
https://vot.org/wp-content/uploads/2020/02/Metok-Lhazey.mp3