བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་དྲུག་པ་དབུ་འཛུགས།

Voice of Tibet

English - November 09, 2020 04:05 - 5.01 MB - ★★★★★ - 9 ratings
News voice tibet vot tibetan radio service news bhodkyilungtrin norway Homepage Download Apple Podcasts Google Podcasts Overcast Castro Pocket Casts RSS feed

Previous Episode: གསུང་རྩོམ་ཕྱོགས་བསྡུས་ཀྱིས་བཀའ་བློན་ཁྲི་ཟུར་མཆོག་གི་འཁྲུངས་སྐར་སྲུང་བརྩི།

Next Episode: རྣ་ཐོས་ལ་བར་གོམ་བགྲོད་གནང་མཁན་བསྟན་འཛིན་དོན་གྲུབ་ལགས་ཅན་རྡི་གྷར་འབྱོར་བ།

དེ་རིང་ཕྱི་ཟླ་ ༡༡ པའི་ཚེས་ ༩ ཉིན་ནས་་བཟུང་། ཟླ་འདིའི་ཚེས་༡༢ བོར་བོད་མིའི་སྒྲིག་འཛུགས་ཀྱི་སྲིད་བྱུས་ཉམས་ཞིབ་ཁང་གིས་སྤྱི་ལོ་ ༢༠༡༥ ནས་བཟུང་གོ་སྒྲིག་ཞུ་བཞིན་པའི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་དྲུག་པ་དེ་དྲྭ་རྒྱ་བརྒྱུད་ནས་དབུ་འཛུགས་གནང་སོང་།

ཐེངས་འདིའི་ན་གཞོན་ཉམས་ཞིབ་པའི་ཚོགས་འདུའི་ནང་དུ་བོད་མི་ན་གཞོན་བཅོ་བརྒྱད་ཀྱིས་ཉམས་ཞུགས་ཀྱི་ཐོག་ནས་བོད་ཀྱི་རྒྱལ་རབས་ལོ་རྒྱུས་དང་ཆོས་ལུགས། དེ་བཞིན་རྩོམ་རིག་དང་སྤྱི་ཚོགས་དཔྱད་བརྗོད་ཀྱི་དཔྱད་རྩོམ་སྒྲོག་སྦྱང་གནང་བཞིན་ཡོད་པ་ལྟར། དེ་རིང་གི་སྔ་དྲོའི་བརྩམས་ཆོས་སྒྲོག་སྦྱང་གི་ཐོག་མར། བཞུགས་སྒར་ཁུལ་གྱི་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཉམས་ཞིབ་པ། པདྨ་རྣམ་རྒྱལ་ལགས་ཀྱིས་བོད་བཙན་པོའི་སྐོར་གྱི་ཁྲིམས་ཡིག་གི་སྐོར་ལ་བསྐྱར་ཞིབ་ཅེས་པའི་བརྗོད་བྱའི་ཐོག་གཏམ་བཤད་གནང་བ་དང་། དེའི་རྗེས་ཀིརྟི་དགོན་པའི་དཔེ་ཁྲིད་སློབ་དཔོན། ཨ་ལགས་རྗེ་སྦྲུལ་བློ་གྲོས་ཆོས་བཟང་ལགས་ཀྱིས་དུས་རབས་༡༤ ནང་ལྷ་ས་དང་ས་སྐྱར་བྱུང་བའི་ནད་ཡམས་ཀྱི་སྐོར་གླེང་བ་ཞེས་པའི་བརྗོད་གཞིའི་ཐོག་གཏམ་བཤད་གནང་སོང་།

འདི་གའི་གསར་འགོད་པའི་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན། བསྟན་འཛིན་ལེགས་བཤད་ལགས་སུ་ཐེངས་འདུའི་ཚོགས་འདུ་དང་འབྲེལ་ནས་བཅར་འདྲི་ཞུས་པར་ཁོང་གིས། འདི་ལོ་ཏོག་དབྱིབས་གཉན་རིམས་ཀྱི་རྐྱེན་བྱས་ནས་འཛུལ་ཞུགས་པ་དེ་ཙམ་བྱུང་མེད་ཚུལ་ངོ་སྤྲོད་དང་སྦྲགས། སྤྱི་ཡོངས་ཀྱི་ཆ་ནས་བཙན་བྱོལ་ནང་དུ་ཉམས་ཞིབ་ཀྱི་ཚོགས་འདུའི་ནང་དུ་བུད་མེད་འཛུལ་ཞུགས་པ་ཧ་ཅང་ཉུང་ཉུང་ཡིན་པར་མངོན་གསལ་གྱིས། མ་འོངས་པར་བོད་ཀྱི་བུད་མེད་རྣམས་ཀྱིས་ན་གཞོན་གྱི་ཉམས་ཞིབ་ཚོགས་འདུ་འདིར་འཛུལ་ཞུགས་བྱེད་རྒྱུ་གལ་ཆེན་པོ་ཡིན་སྐོར་ངོ་སྤྲོད་གནང་ཡོད་མ་ཟད། བོད་མི་སུ་ཞིག་སྲིད་བྱུས་ཉམས་ཞིབ་ཁང་གི་གོ་སྒྲིག་གནང་བའི་ན་གཞོན་ཉམས་ཞིབ་ཚོགས་འདུ་གང་རུང་ཞིག་ལ་ཚོགས་ཞུགས་བྱས་པ་ཡིན་ན། ཕྱི་ལོག་གི་ཞིབ་འཇུག་གི་ཚོགས་འདུ་གང་དུ་འགྲོ་དགོས་བྱུང་ཚེ་དབུས་བོད་མིའི་སྒྲིག་འཛུགས་བརྒྱུད་ནས་གནམ་གྲུའི་འཛིན་བྱང་ཉོ་བ་སོགས་ཀྱི་མཐུན་འགྱུར་སྐྲུན་བཞིན་ཡོད་པར་གསུངས་སོང་། གཤམ་ནས་ལེགས་བཤད་ལགས་སུ་བཅར་འདྲི་ཞུས་པའི་ལེ་ཚན་ཞིག་ལ་གསན་རོགས་ཞུ།

https://vot.org/wp-content/uploads/2020/11/Kyap-09.mp3

Download