Mafai ona toe fo'i mai fafine ma fanau na auai i le Islamic State.

Ua faia se faai'uga a le malo tele e mafai ai ona toe fo'i mai i Ausetalia nei fafine ma fanau, o tagatanu'u Ausetalia o loo tausia i se nofoaga e tausi ai tagata sulufa'i i Suria. O i latou nei o ta'ito'alua ma fanau a fitafita na tau mo le vaega'au a le Islamic State, ma o le to'atele na feoti i le taua. O loo iai popolega i nisi i le tulaga i le puipuiga o le saogalemu, ae na faaalia e se sui o le Kapeneta, o le a va'ava'aia i latou mo se vaitaimi e faalapotopotoga o loo gafa ma le puipuiga pe a toe taliu mai.