Fake News tala salalau i se pa povi a Amelika Samoa i Togitogiga.

Na fesiligia e le ta'ita'i o le itu-agai o le palemene o Samoa, Tuila'epa Sailele Malielegaoi, le palemia i le moni o ni faamatalaga na ia maua i le fono faitulafono a Amelika Samoa o loo ta'ua ai le faamatu'u atu e le malo Samoa o se 400 'eka i Togitogiga mo se faato'aga lafu povi a le teritori. Na tali le palemia, Fiame Naomi Mata'afa, masalo o se fake news, ona pau 'ele'ele o loo aofia i feutaga'iga a Samoa e lua, o le fanua i Tafuna mo le ofisa o le konesula o Samoa, ma se fanua i Moata'a mo le ofisa o Amelika Samoa i Apia.