Faamatalaga lata mai i tino maliu o tamaiti i totonu o 'atopa'u i Aukilani i Saute.

Ua saisaia e leoleo i le taulaga o Seoul i Korea i Saute se tina e 42 tausaga le matua ma molia i le fasioti tagata i le mata'upu na su'esu'eina e leoleo i Aukilani i Saute i tino maliu o ni tamaiti se to'a lua, o se tama ma se teine, na maua i totonu o ni 'atopa'u. O 'atopa'u, e pei ona faaalia e se sui o leoleo, Detective Inspector Tofilau Va'aelua, na maua ina ua faatau e se aiga 'atopa'u i se faatau tu'i o meatotino na teu i se loka, ma e foliga mai e tele ni tausaga o iai tino maliu o tamaiti i totonu o 'atopa'u.