មានបាតុកម្មប្រឆាំង​ដំណើរ​ទស្សនកិច្ច​របស់​លោក ហ៊ុន ម៉ាណែត​នៅ​ប្រទេស​ជប៉ុន

អំឡុងពេលលោកនាយករដ្ឋមន្ត្រី ហ៊ុន ម៉ាណែត អញ្ជើញទៅចូលរួមកិច្ចប្រជុំកំពូលអាស៊ាន-ជប៉ុន នៅទីក្រុងតូក្យូ ប្រទេសជប៉ុន ចាប់ពីថ្ងៃទី១៥-១៩ ខែធ្នូ ឆ្នាំ២០២៣ នេះ គឺមានពលរដ្ឋខ្មែរមួយចំនួន ដែលគេចាត់ទុកថា ជាក្រុមប្រឆាំង បានប្រមូលផ្តុំ តវ៉ានឹងវត្តមានរបស់លោក ហ៊ុន ម៉ាណែត និងរាជរដ្ឋាភិបាលរបស់លោក។ប៉ុន្តែចំនួនអ្នកប្រឆាំងតវ៉ាទាំងនោះ ត្រូវបានគេអះអាងថា មានចំនួនតិចជាងចំនួនប្រជាពលរដ្ឋខ្មែរ ដែលជាក្រុមអ្នកគាំទ្ររាជរដ្ឋាភិបាលកម្ពុជា និងបានចូលរួមពិធីសំណេះសំណាលជាមួយលោក ហ៊ុន ម៉ាណែត អំឡុងពេលដំណើរទស្សនកិច្ច នៅទីក្រុងតូក្យូ ប្រទេសជប៉ុន ពេលនេះ។