កម្ពុជា​ប្រកាសផ្អាកការនាំចូល​គ្រឿង​ក្នុង​សត្វ និង​សាច់បង្កក​រយៈពេល​៦ខែ

ក្នុងពិធីបិទសន្និបាតបូកសរុបការងារឆ្នាំ២០២៣ និងលើកទិសដៅការងារបន្ត ឆ្នាំ២០២៤ របស់ក្រសួងកសិកម្ម រុក្ខាប្រមាញ់ និងនេសាទ កាលពីរសៀល ថ្ងៃអង្គារ ទី៣០ ខែមករា ឆ្នាំ២០២៤ រដ្ឋមន្ត្រីក្រសួងកសិកម្ម លោក ឌិត ទីណា បានប្រកាសថា រាជរដ្ឋាភិបាលកម្ពុជា បានសម្រេចផ្អាកជាបណ្តោះអាសន្ន ក្នុងការនាំចូលគ្រឿងក្នុងសត្វ និងបំណែកសាច់បង្កកគ្រប់ប្រភេទ ក្នុងរយៈពេល ៦ខែ គិតចាប់ពីខែមីនា ដល់ខែកញ្ញា ឆ្នាំ២០២៤ នេះ។