ប្រធានស្តីទីគណបក្ស​ភ្លើង​ទៀន រាជធានីភ្នំពេញ ត្រូវ​បាន​ចាប់​ខ្លួន

ប្រធានស្តីទីគណបក្ស ភ្លើងទៀន រាជធានីភ្នំពេញ លោក ខឹម ចាន់វណ្ណៈ ត្រូវបានប៉ូលិសចាប់ខ្លួន កាលពីរសៀលថ្ងៃទី១៥មករា ឆ្នាំ២០២៤ ពីផ្ទះរបស់លោក នៅភូមិប៉ប្រកខាងត្បូង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ ករណីចាប់ខ្លួននេះ ត្រូវបានប៉ូលិស និងតុលាការ បញ្ជាក់ថា ពាក់ព័ន្ធនឹងបទល្មើស ក្លែងបន្លំឯកសារ ស្នាមមេដៃ និងហត្ថលេខាក្លែងក្លាយ ដែលប្តឹងដោយសមាជិកគណបក្សភ្លើងទៀន ៣រូប។