Que é o naming e como conseguir un nome que se adecúe á nosa marca, por Laura López de ACTUALIZADOS COMUNICACIÓN

Laura López, de "Actualizados Comunicación", empresa que se adica á xestión da comunicación dixital. Hoxe falamos de que é o naming e como conseguir un nome que se adecúe á nosa marca.

O naming é ese conxunto de criterios, directrices e regras a través das cales se lle pon nome a unha marca. E, aínda que non ten por que estar estritamente vinculado co dixital ou as redes sociais, tamén pode servir para bautizar un proxecto ou marca persoal online.

"O naming é ese conxunto de criterios, directrices e regras a través das cales se lle pon nome a unha marca".

"O naming implica investigación, creatividade e a consideración de diversos factores como a linguaxe, a sonoridade, a dispoñibilidade do nome de dominio e a asociación coa identidade e os valores da marca".

"O primeiro paso para acertar no nome é coñecernos ben como marca".

Definición e principais tipoloxías

O naming é o proceso de crear e desenvolver nomes para marcas pero tamén para produtos, servizos ou calquera outro tipo de entidade. É unha parte fundamental do proceso de creación de marca, xa que o nome, a fin de contas, é o primeiro punto de contacto co público e pode influír significativamente na percepción e recoñecemento dunha marca. É dicir, é unha maneira máis de traballar o posicionamento, os valores de marca e, en xeral, todo o universo que o pode conformar.

Entón, o naming implica investigación, creatividade e a consideración de diversos factores como a linguaxe, a sonoridade, a dispoñibilidade do nome de dominio e a asociación coa identidade e os valores da marca.

Podemos chamarlle ás cousas polo seu nome. Ou non. Podemos establecer nomes máis creativos, abstractos ou mesmo inventar palabras.

✔️Nomes descritivos. Designan de maneira explícita e directa o que fai a empresa. O beneficio deste tipo de nomes é que son claros e funcionais, o que fai que a audiencia entenda á perfección o propósito da marca de maneira rápida. Algunhas marcas que teñen este tipo de nome son, por exemplo, Telepizza ou Abanca. Aínda que tamén son nomes descritivos aqueles como Ford, que leva o nome do seu fundador Henry Ford, ou Mercedes-Benz, cuxo creador foi Carl Benz e anotaba os coches baixo o nome da súa filla: Mercedes.

✔️Nomes xeográficos. Empregan a localización para identificar e localizar a marca. Dependendo do nome final que elixamos, podería limitarnos un pouquiño á hora de medrar e abrirse a mercados máis amplos. Isto é a teoría, pero na práctica atopámonos con nomes como Estrella Galicia que non entendeu de fronteiras.

✔️Acrónimos. Dunha maneira deliberada ou de maneira espontánea, algúns nomes derivan á súa versión en acrónimo. É o caso de marcas como BBVA -Banco Bilbao Vizcaya Argentaria-, UPS -United Parcel Service-, LEGO -Leg Godot, que significa “xogar ben” en danés- ou a ONCE -Organización Nacional de Cegos Españois.

✔️Nomes abstractos. Empregan palabras ou combinacións que non existían previamente e que, en si, non teñen ningún significado ata que se asocia coa marca á que dan nome. O aspecto positivo deste tipo de naming é que lle dan un carácter único e memorable á marca. Algúns exemplos poderían ser Google, Twitter, TikTok, etc.

✔️Nomes metafóricos. Non describen de maneira directa a marca pero con este nome permítense asociar determinados valores a ela. Como exemplo, podemos citar Jaguar, e esa asociación coa elegancia e rapidez, ou Red Bull coa súa enerxía e forza.

Como ter un bo fluxo de traballo para establecer un bo naming.

Poñerlle un nome a unha empresa, a unha marca persoal ou a un proxecto non é unha decisión que poidamos tomar á lixeira, xa que este di moito de quen somos, que facemos e a filosofía que hai detrás dos nosos produtos ou servizos.

O primeiro paso para acertar no nome é coñecernos ben como marca. É dicir, temos que ter definido que tipo de marca queremos ser e, para iso, non hai mellor ferramenta que un briefing.

Este é un documento breve no que se recollen os puntos esenciais dunha marca: o propósito, a misión, visión e valores, os atributos de marca, as características e os beneficios que queremos transmitir.

Ao igual que acontece nas rede sociais á hora de crear unha estratexia, o naming tamén require dun estudo previo do público potencial. Hai que coñecer esta audiencia, como é, saber que consume e como o fai, que valores busca nun produto ou servizo, etc.

E se estudamos ao público, tamén temos que analizar á competencia. Para saber como fan para atraer aos seus clientes e, deste xeito, poder diferenciarte deles.

Unha vez realizada esta parte de análise, é necesario comezar cunha brainstorming. Anota as palabras, combinacións e frases que se che pasen pola cabeza e xoga con elas. Logo da fase creativa, que seguramente sexa a máis complexa e con maior duración, é necesario facer unha escola de nomes e, por exemplo, elixir tres nomes finais.

Unha vez teñamos tres finalistas, o ideal sería compartir estes nomes e conseguir feedback para comprobar se funcionan ben. Ao final, consiste en conseguir un nome que se axuste aos valores da marca, ao que queremos transmitir e ao produto ou servizo que ofrecemos.

Máis Información ACTUALIZADOS COMUNICACIÓN:

✔️Páxina Web: https://actualizadoscomunicacion.com/

✔️Facebook: https://www.facebook.com/actualizadoscomunicacion

✔️Twitter: https://twitter.com/actualizadoscom

✔️Instagram: https://www.instagram.com/actualizados_comunicacion/

️"SUSCRÍBETE" ao podcast.

MÁIS ENTREVISTAS: https://www.ivoox.com/podcast-salta-da-cama_sq_f1323089_1.html

Máis Información e outros contidos:

✔️Facebook: https://www.facebook.com/PabloChichas

✔️Twitter: https://twitter.com/pablochichas

✔️Instagram: https://www.instagram.com/pablochichas/

✔️Clubhouse: @pablochichas

✔️Twich: https://www.twitch.tv/pablochichas