FASES DAS RELACIÓNS DE PARELLA, explicadas pola psicóloga Verónica Barros de BARROS PSICOLOGÍA

Así como as persoas cambiamos, aprendemos, crecemos e maduramos, tamén ocorre coas relacións de parella, e identificalo axudaranos a gozar plenamente da relación coa persoa elixida para compartir a nosa vida.

Verónica Barros de Barros Psicología explícanos as diferentes etapas das relacións de parella.

"Hai diferentes conceptos de parella, as fases das que falamos refírense a o amor clásico que no ámbito xeral temos todos idealizado, ao amor romántico".

"Na primeira fase vemos todo como se tivéramos un filtro de Instragram. Hai unha frase que dí, non te cases namorado/a. Está frase refírese á primeira fase”.

"As parellas van evolucionando ata a ruptura ao o reencontro, pasando polas fases de namoramento, coñecemento, convivencia, autoafirmación, crecemento e adaptación".

As relacións de parella crecen, evolucionan e cambian, en función dunhas etapas ben diferenciadas e definidas. Isto explica por que non sentimos o mesmo cando pasaron uns anos de relación que cando nos coñecemos. Coñecer estas etapas das relacións de parella achéganos seguridade e tranquilidade na forma de enfocar as diferenzas, así como para resolver os conflitos ou sentimentos atopados.

AS 6 ETAPAS DAS RELACIÓNS DE PARELLAS

1️⃣ Namoramento

O namoramento é unha das etapas das relacións de parella chea de emocións intensas, “bolboretas no estómago” e fortes desexos de permanecer xunto á persoa namorada. O desexo e a paixón, con ou sen actividade sexual, convértense nos ingredientes principais desta etapa, que fan aflorar unha intensa fantasía e creatividade, coa que sorprender á outra persoa.

No namoramento toda a atención está posta nos aspectos comúns que comparten os namorados. Por tanto, o entendemento e a comprensión están presentes nos seus encontros, sen percibir apenas os aspectos que os diferencian como persoas distintas.

Debido á maxia do momento, e dos encontros desexados, téndense a evitar as discusións e os conflitos. Por tanto, o comezo nas relacións de parella, é cunha etapa especial e apaixonante, de descubrimento do outro, o cal quereriamos que non se acabase nunca.

2️⃣ Coñecemento

Nesta segunda das etapas das relacións de parella, o namoramento dá paso ao coñecemento máis profundo e íntimo da outra persoa. E necesariamente, ao descubrimento das diferenzas e peculiaridades de ambos…

Cada persoa, única e singular, empeza a mostrarse como é realmente, na súa totalidade e autonomía. Cada persoa empeza a compartir as súas experiencias e vivencias persoais. Xa non hai tanta idealización, senón que o encontro comeza a ser máis real.

3️⃣ Convivencia

A parella establécese como tal, tras un período de coñecemento de ambos, onde a atención principalmente estivo na proxección dunha vida en común e en proxectos. Decídese a compartir unha vida, desde a convivencia e o fogar elixido por ambos.

A actividade sexual descende, debido á rutina, as responsabilidades e as cargas. O amor da parella exprésase de forma máis afectiva, respectuosa e en forma de apoio e entendemento por unha vida en común. Poden xurdir diferenzas na forma de resolver os conflitos e será necesaria a procura de acordos e negociacións.

4️⃣ Autoafirmación

Tras un tempo de convivencia, de desexar compartir todo, xorden as necesidades individuais, e a defensa das mesmas. É o momento de exporse facer actividades por separado, respectando o vínculo e compromiso establecido na parella. Nesta etapa poden xurdir conflitos debido a crises persoais non resoltas.

É como un reencontro cun mesmo tras estar unha tempada centrados no outro e na relación de parella. Ao xurdir de novo as necesidades individuais, cada un dos membros da parella, decide centrarse en si mesmo, polo menos durante algúns momentos.

5️⃣ Crecemento

Chegados ata aquí, a parella decide profundar na súa relación, que se torna máis madura e estable. É o momento de tomar decisións como a de levar a cabo proxectos en común como ter familia.

É unha etapa onde aparece de novo a ilusión, a emoción e o entusiasmo por compartir o que ambos decidiron crear. Por seguir construíndo entre os dous o seu futuro e proxecto de vida xuntos.

6️⃣ Adaptación

A vida segue, e danse os cambios, se a parella adáptase a estes, consolídase e madura. É un momento para a parella de consolidación ou ruptura, xa que se cuestionan a escala de valores persoais e a compartida. Xorden novos intereses debido aos cambios, como a independencia dos fillos, a xubilación, enfermidades, etc..

Pode ser unha das etapas de relacións de parella de re-encontro, xa que as esixencias, responsabilidades e cargas da vida son menores, e podemos volver centrarnos na parella, para compartir novos proxectos, como foi no principio da relación.

⚕️BARROS PSICOLOGÍA, Gabinete de psicoloxía especializado en trastornos do espectro autista e TDAH. Terapia individual e familiar, nenos e adolescentes, dificultades de aprendizaxe, problemas emocionais e de conduta, dificultades sexuais, terapia de parella...

Máis información BARROS PSICOLOGÍA:

✔️Barros Psicologia: https://www.barrospsicologia.com/

✔️Facebook: https://www.facebook.com/veronicabarrospsicologia

✔️Instagram: https://www.instagram.com/barrospsicologia/

️ "SUSCRÍBETE" ao podcast

MÁIS ENTREVISTAS: https://www.ivoox.com/podcast-salta-da-cama_sq_f1323089_1.html

Máis Información e outros contidos:

✔️Facebook: https://www.facebook.com/PabloChichas

✔️Twitter: https://twitter.com/pablochichas

✔️Instagram: https://www.instagram.com/pablochichas/

✔️Clubhouse: @pablochichas

✔️Twich: https://www.twitch.tv/pablochichas