Como crear un plan de marketíng, paso a paso. Por Lorena Penas de Actualizados Comuniciación

Lorena Penas, é socia fundadora de "Actualizados Comunicación", empresa que se adica á xestión da comunicación dixital. Hoxe fálanos de como crear un plan de marketing. Un plan de márketing NON é un conxunto de ideas que tes na cabeza porque a) es moi listo e #ocorrer ideas brillantes, b) sabes
moito do teu negocio, e c) os plans son secretos e mellor non escribilos non
sexa que che rouben a brillante idea de poñer un deses bonecos
inchables que bailan e saúdan como idiotas na porta do teu negocio.

" Ter un plan de márketing significa adoptar unha forma de traballar baseada na análise dos datos".

"Ao analizar o estudo de mercado seguramente descubras moitas cousas que non sabías sobre o teu negocio".

"Cando falamos de que é un plan de márketing, moita xente pensa só na publicidade".

Que é un plan de márketing?

Un plan de márketing é o documento estratéxico máis importante de calquera negocio, sexa grande ou pequeno. Sinxelamente porque contén todo aquilo que vas facer co obxectivo de conseguir vender o teu produto ou servizo. O normal é que forme parte dun plan de negocio e que sexa a 3 anos vista.

A palabra chave aquí é estratexia. Que vou vender, a quen, con quen compito, por que canles de venda, como vou captar novos clientes e fidelizalos e que recursos necesito para facer todo isto. Todo isto hai que desenvolvelo de forma ordenada, con obxectivos alcanzables e medibles e #de acordo con os recursos cos que contas.

Elementos dun plan de márketing.

Para ter un plan de márketing que funcione, como mínimo debe
conter o seguinte:

✔️1. Análise da túa situación de partida

Tanto se o teu negocio xa está en marcha e queres reorientalo ou darlle impulso coma se empezas de cero, sexa físico, en liña ou un totum revolutum, a idea non é lanzarse ao mercado ás toas co primeiro que se che ocorra, senón analizar desde onde empezas.

Elementos que debes analizar (como mínimo):

Viabilidade técnica e económica do teu produto ou servizo. O que queres vender, pode facerse? a que custo e con que marxe?

Viabilidade comercial do teu produto. Fixeches algún test de mercado? A xente quere compralo? que prezo están dispostos a pagar?

Recursos cos que contas: financiamento, persoas e as súas habilidades, recursos materiais e técnicos… Desa análise sairán as carencias que debes corrixir.

Se xa tes un negocio: posicionamento actual no mercado e evolución dos últimos anos, tanto globalmente como a nivel económico, de vendas, marxes…

Análises por produtos ou liñas de negocio (que produtos vendes mellor e cales son unha ruína da que hai que desfacerse). A matriz BSC pode virche ben, pero tampouco é a Biblia

✔️2. Estudo do mercado

Como probablemente non teñas recursos para gastarche un pastón en encargar un estudo de mercado a unha axencia especializada, vas ter
que marcarche un DIY e facercho ti mesmo, tirando de estudos publicados,
datos aos que podes acceder e un pouco de sentido común. Un estudo de mercado debe conter os seguintes puntos que che van a deixar as orellas
do revés, porque poida que ao analizalos descubras moitas cousas que non
sabías, así que che recomendo que cho tomes en serio e dedíqueslle tempo.

2.1. Definir o ou os targets

2.2 Dimensionar o mercado

Tes que coñecer o volume de vendas que se move no nicho de mercado
que che interesa.

2.3. Identificar e analizar aos teus competidores

2.4. Identificar tendencias e oportunidades no mercado

✔️3. Definición de obxectivos

Ser realistas. Teñamos os pés no chan. É mil veces mellor ter que revisar os obxectivos á alza que sentir a frustración permanente de non alcanzalos.

Ser medibles con números. Se non, non son obxectivos senón meras impresións subxectivas.

Medir algo máis que o final do proceso. Si, as vendas son o final dun proceso, a consecuencia dunha serie de accións. Se só mides o resultado final (vendas), nunca saberás en que parte do proceso estás a fallar. Hai que medir os resultados de cada acción.

Ser coherentes coa análise do mercado e cos teus recursos. Se aspiras a comerche o 50% do teu mercado potencial en tres anos paréceme xenial pero, contas cos recursos necesarios, sobre todo financeiros, para iso?

✔️4. Estratexias para alcanzar os obxectivos

Esta é a cuestión crave para responder á pregunta sobre que é un plan de márketing. Aquí é onde vas definir que facer en cada un dos aspectos do márketing. Trátase dun conxunto de accións que teñen como meta alcanzar os obxectivos fixados. Afecta a, como mínimo, os seguintes aspectos:

4.1. Estratexia de produto

Definir ben que produtos vas comercializar que encaixen co mercado e o target definidos

4.2. Estratexia de prezos

Os prezos están condicionados polo nicho de mercado ao que che dirixes, tanto potenciais clientes como competidores

4.3. Estratexia de comercialización

Aquí é onde deseñamos as canles de comercialización, tanto en liña como offline.

4.4. Estratexia de promoción e publicidade

Cando falamos de que é un plan de márketing, moita xente pensa só nesta parte. Xa ves que é moito máis, pero iso non quere dicir que as estratexias de captación e fidelización de clientes non sexan fundamentais.

✔️Por tanto, ter un plan de márketing significa adoptar unha forma de traballar baseada na análise dos datos, sabendo que eses datos faranche revisar toda a estratexia ou parte dela. O ideal é que fagas isto en tempo real, pero se non che dá a vida para iso deberías revisalo como mínimo cada trimestre.

Máis Información ACTUALIZADOS COMUNICACIÓN:

✔️Páxina Web: https://actualizadoscomunicacion.com/

✔️Facebook: https://www.facebook.com/actualizadoscomunicacion

✔️Twitter: https://twitter.com/actualizadoscom

✔️Instagram: https://www.instagram.com/actualizados_comunicacion/

️"SUSCRÍBETE" ao podcast.

MÁIS ENTREVISTAS: https://www.ivoox.com/podcast-salta-da-cama_sq_f1323089_1.html

Máis Información e outros contidos:

✔️Facebook: https://www.facebook.com/PabloChichas

✔️Twitter: https://twitter.com/pablochichas

✔️Instagram: https://www.instagram.com/pablochichas/

✔️Clubhouse: @pablochichas

✔️Twich: https://www.twitch.tv/pablochichas