![Salta da Cama artwork](https://is3-ssl.mzstatic.com/image/thumb/Podcasts114/v4/42/cb/ac/42cbace3-76cb-e69f-928e-d82cacb5ed09/mza_16705543671761612016.jpg/100x100bb.jpg)
As reseñas falsas poderán sancionarse con máis dun millón de euros. Explícao Lorena Penas de Actualizados Comunicación.
Salta da Cama
Galician - June 13, 2022 10:14 - 14 minutes - 6.43 MBNews Homepage Download Apple Podcasts Google Podcasts Overcast Castro Pocket Casts RSS feed
Lorena Penas, socia fundadora de "Actualizados Comunicación", empresa que se adica á xestión da comunicación dixital, esplícanos a nova lexislación sobre reseñas.
Desde fai menos dunha semana, os compradores en liña están un pouco
máis protexidos contra as reseñas falsas na rede. Entrou en vigor a modificación da Lei Xeral para Defensa dos Consumidores e da Lei de Competencia Desleal, o que conlevará a sancións que poderán superar o millón de euros.
"Agora a Lei Xeral para Defensa dos Consumidores e da Lei
de Competencia Desleal defende aos usuarios contra as reseñas falsas".
"As valoracións falsas conlevarán sancións que poderán alcanzar o millón de euros ou oito veces o beneficio que se obtivo con algunha destas prácticas ilegais e tamén se poderá chegar ao peche de establecementos durante cinco anos e a requisa de mercadorías.".
"Existen plataformas e entidades que levan anos loitando contra estas prácticas. É o caso de Fakespot, que identifica comentarios sospeitosos e recomenda mellores alternativas aos consumidores".
As compras en liña son unha das principais razóns dos usuarios para utilizar a rede e algúns marketplaces como Amazon ou AliExpress atópanse entre as 20 páxinas máis visitadas en España, con 71.6 millóns e 24.7 millóns de usuarios ao mes, respectivamente. Polo menos, iso é o que deixan estudos tan populares como o Dixital 2022. Ademais, se actualmente hai preto de 5 mil millóns de internautas no mundo, o 58,1% deles realizaron, polo menos, unha compra en liña no último mes. Estes datos explican que a xustiza europea e, agora, a española, persigan un engano tan á orde do día como son as reseñas falsas.
✔️Que vixía esta normativa?
As tendas en liña apóianse nas reseñas dos compradores, en principio desinteresadas, para facilitar a tarefa de comprar un produto sen probalo previamente. Con todo, moitas compañías empezaron a pagar ou ofrecer algún tipo de recompensa por estas valoracións, o que provocou que moitos usuarios escribisen sobre un produto que non probaran.
Por iso, agora a Lei Xeral para Defensa dos Consumidores e da Lei
de Competencia Desleal defende aos usuarios contra este tipo de prácticas e obrigará a todas as plataformas que aloxen reseñas de produtos ou servizos a indicar se as reseñas son de consumidores que adquiriron o produto. Con todo, non bastará con esta verificación, senón que o empresario deberá facilitar os criterios que determinan que unhas reviews aparezan antes que outras.
Doutra banda, outras actividades que persegue esta actualización da normativa son a revenda de entradas mediante bots, que enganan acerca da súa dispoñibilidade, ou a variación do prezo dun produto en función do país no que se ofrece.
As sancións das reseñas falsas
A partir de agora, haberá que pensalo dúas veces antes de realizar unha valoración falsa. En España, as sancións poderán alcanzar o millón de euros ou oito veces o beneficio que se obtivo con algunha destas prácticas ilegais e tamén se poderá chegar ao peche de establecementos durante cinco anos e a requisa de mercadorías. No caso de que a empresa actuase nalgún país da Unión Europea, as multas poderán ser de ata un 4% do volume facturado.
Algúns aspectos que se terán en conta á hora de interpoñer a sanción serán
a capacidade económica do culpable ou o seu nivel de internacionalidade.
✔️ Como identificar unha reseña falsa?
Os consumidores podemos intuír moitas veces cando unha valoración é falsa. Só temos que dedicarlle un pouco de tempo.
• Comentarios concisos. Se non consumiron ou probaron un produto, o
comentario que ofrecerán será xenérico, impreciso, breve e sen fotografías.
• Reviews similares. Os empresarios que pagan pola realización de comentarios falsos, poden facilitar un persoal para crealos. Por iso, se
vemos moitas opinións similares deberiamos manternos atentos.
• Moitas valoracións, un mesmo usuario. Somos moito de dar a nosa
opinión, aínda que non nola pidan. Pero se se trata dun marketplace ou
ecommerce e atopamos un usuario que fai moitas reviews en moi pouco tempo (por exemplo, máis de cinco á semana) deberiamos desconfiar.
Aínda que existen métodos máis rápidos para comprobar a veracidade dunha review.
Existen plataformas e entidades que levan anos loitando contra estas prácticas. É o caso de Fakespot, que identifica comentarios sospeitosos e recomenda mellores alternativas aos consumidores. O seu uso é tan fácil como introducir a ligazón do produto que estamos a pensar comprar, a aplicación analizará a calidade e cantidade das valoracións e atribuiralle unha nota.
Máis Información ACTUALIZADOS COMUNICACIÓN:
✔️Páxina Web: https://actualizadoscomunicacion.com/
✔️Facebook: https://www.facebook.com/actualizadoscomunicacion
✔️Twitter: https://twitter.com/actualizadoscom
✔️Instagram: https://www.instagram.com/actualizados_comunicacion/
️"SUSCRÍBETE" ao podcast.
Máis Información e outras entrevisas:
✔️Facebook: https://www.facebook.com/PabloChichas
✔️Twitter: https://twitter.com/pablochichas
✔️Instagram: https://www.instagram.com/pablochichas/
✔️Clubhouse: @pablochichas
✔️Twich: https://www.twitch.tv/pablochichas