Hospitale: dis wat ons beskikbaar het

Daar is kommer onder Namibiese owerhede oor die hoeveelheid Covid hospitaal opnames. Mediese fasiliteite is reeds onder druk met meer as 1350 gesondheidswerkers wat reeds positief getoets het vir Covid en 6 is reeds oorlede aan die virus. Volgens die jongste syfers is daar op die oomblik 297 pasiënte in die hospitaal met 33 wat in intensiewe sorg behandel word. Die Uitvoerende Direkteur van die Ministerie van Gesondheid Ben Nangombe het meer besonderhede oor die beskikbare fasiliteite bekend gemaak.