بلوچستان آفیئرز چی ءَ وتی ویب ٹی۔ وی ءِ دیمدرائی ءَ کنگ ءَ اِنت؟

بلوچستان آفیئرز یک مزن رسانکدرے کہ بلوچ ءِ زندمان ءِ ھمک بھر ءِ جیڑ ءُ جنجالاں دیم ءَ کاریت۔ بلوچستان آفیئرز ھچ کس ءِ پلّہ مرز نہ انت بلکن ءَ یک آزاتیں شونکاری پالیسی ءِ رھشونی ءَ دیم ءَ جنزیت۔ مئے واھگ ءُ لوٹ ہمیش انت کہ ما شرین ءُ پُر معنا ایں بحث ءُ مباحثہے بلوچ ءُ بلوچستان ءِ بابت ءَ دیم ءَ بیاریں۔ ایے بحث ءُ مباحثہانی تہا بلوچ زبان زانت، اھوالکار، کواس ءُ زانتکار وتی گپاں، سر سوج ءُ ھیالاں بلوچ راج ءُ یکے دومی ءَ گوں کن انت۔ ایے گپ ءُ رپ، ایے سر سوج بلوچستان ءِ چاگرد، راجدپتر، سیاست، معاشیت، زبان، لبزانک، دود ءُ ربیدگ ءُ ایندگہ پڑاں گوں بندوک بنت۔ مئے مراگش بلوچی براھوی اردو ءُ انگلش ءَ شنگ بنت۔